Նոր պաշտոնը ընդամենը Մարուքյանական ստորագրություն և կնիք է մինչ այս հնչած մեր բոլոր գնահատականների մասով. Հակոբյան

Էդմոն Մարուքյանենց մասով ամեն ինչ պարզ է և պարզ էր շատ շուտվանից: Այս մասին իր ֆեյսբուքյան էջում գրել է «Հայրենիք» կուսակցության մամուլի քարտուղար Սոս Հակոբյանը։

«Մեր թիմի ներկայացուցիչները երկար ժամանակ խոսել են բոլոր մեխանիզմներով պետականաքանդ իշխանություններին ծառայելու վերջիններիս անպատիվ և էժան վարքագծի մասին:

Նոր պաշտոնը ընդամենը Մարուքյանական ստորագրություն և կնիք է մինչ այս հնչած մեր բոլոր գնահատականների մասով:

Սրա նշանակությունը միմիայն մեր հարյուր հազարավոր քաղաքացիների համար է:

Հարգելի հայրենակիցներ, սա ևս մեկ ապացույց է ձեզ համար` լինեն ընտրություններ, քաղաքական խոսք, թե այլ ներգործություն. եթե դուք դեմ եք ՔՊ-ին և Նիկոլին, ապա ձեր համար չի կարող քաղաքական քարտեզի վրա գոյություն ունենալ Լուսավոր Հայաստան կամ Էդմոն Մարուքյան ապաքաղաքական տարբերակը:

Այլ նշանակություն այս եղելությունը չունի, ամեն ինչ պարզ էր դեռ շատ շուտվանից...»։