Թավրիզում հարկադիր վայրէջք կատարած Շարժա–Երեւան չվերթի ինքնաթիռը վերջապես վայրէջք կատարեց «Զվարթնոցում»
Շարժայից եկող ինքնաթիռը, որն այսօր տեւական ժամանակ ՀՀ օդային տարածքում պտտվելուց հետո վայրէջք էր կատարել Թավրիզում, քիչ առաջ իջել է «Զվարթնոց» օդանավակայանում։ Այս մասին տեղեկանում ենք օդանավակայանի կայքից։
Օդանավը պետք է «Զվարթնոցում» վայրէջք կատարեր այսօր ժամը 16.40–ին։
Նշենք, որ եղանակային պայմաններից ելնելով՝ Հայաստան եկող ինքնաթիռները դժվարությամբ են վայրէջք կատարում։ Այս պահին չեղարկվել է Հալեպից եւ Կապանից եկող չվերթները, Թեհրանի չվերթի օրը փոխվել է։
