Ռուսաստանը անմիջապես աջակցել է 30-օրյա զինադադարի գաղափարին․ Պեսկով
Ռուսական կողմը անմիջապես աջակցել է Ուկրաինայում 30-օրյա հրադադարի գաղափարին, սակայն որոշ նրբերանգներ հաշվի առնելու անհրաժեշտությամբ։ Այս մասին ուրբաթ՝ մայիսի 9-ին, հայտարարել է Ռուսաստանի նախագահի մամուլի քարտուղար Դմիտրի Պեսկովը։
Նա հիշեցրել է, որ մեկամսյա հրադադարի գաղափարը աջակցել է նախագահ Վլադիմիր Պուտինը՝ «պայմանով, որ հրադադարի գաղափարի շուրջ կան բազմաթիվ նրբերանգներ, և առանց դրանց պատասխանները գտնելու շատ դժվար է դրա մասին մանրամասն խոսել»։
Մոսկվան շնորհակալ է ԱՄՆ նախագահ Դոնալդ Թրամփին ռուս-ուկրաինական հակամարտության կարգավորմանն ուղղված ջանքերի համար և կողջունի այս ուղղությամբ այլ երկրների ջանքերը։ «Մենք պետք է պարզաբանենք պարոն [Ֆրիդրիխ] Մերցի հետ [թե ինչ է նա նկատի ունենում]», - հավելել է Պեսկովը։
