Էրոտիկ երանգներով գովազդը կարող է օգտագործվել կիբերհանցագործների կողմից․ ինչպե՞ս
Կայքերում և սոցիալական ցանցերում տեղադրված էրոտիկ երանգներով գովազդը կարող է օգտագործվել կիբերհանցագործների կողմից՝ վնասակար ծրագրեր տարածելու համար: Նման վտանգի մասին փորձագետները զգուշացրել են «Իզվեստիա»-ի հետ զրույցում։
«Գազինֆոսերվիս» ընկերության ինտեգրված տեղեկատվական անվտանգության համակարգերի բաժնի գլխավոր մասնագետ Դմիտրի Օվչիննիկովն ասել է, որ նման թակարդները լավ են աշխատում արական լսարանի հետ, կանայք շատ ավելի հազվադեպ են ընկնում դրանց մեջ:
Նա նշել է, որ Ռուսաստանում դեռևս չեն գրանցվել էրոտիկ գովազդի կիրառմամբ կիբերհարձակումների զանգվածային դեպքեր, բայց դա չի նշանակում, որ դրանք չկան, քանի որ շատերը հերքում են «18+» բովանդակությամբ կայքեր այցելելու փաստը։
«Վեբմոնիտորէքսի» կիբերանվտանգության փորձագետ Եկատերինա Ստարոստինան նշել է, որ Ռուսաստանում արդեն գրանցվել են նման վարակի առանձին դեպքեր։
«Կասպերսկու լաբորատորիա» ռուսական հետազոտական կենտրոնի ղեկավար Դմիտրի Գալովը նույնպես զգուշացրել է, որ այսօր հաքերներն օգտագործում են «18+» բովանդակությունը ոչ միայն կայքերում և սոցիալական ցանցերում, այլև մեսենջերներում։
Մասնագետները խորհուրդ են տալիս չսեղմել անհավանական կամ չափազանց սադրիչ հղումների վրա կամ օգտագործել վիրտուալ մեքենա և մասնավոր բրաուզերի ռեժիմ: Բացի այդ, չի կարելի մուտք գործել սոցիալական ցանցերի հաշիվներ կամ մուտքագրել անձնական հեռախոսահամարը:
