Աշտարակցի տղամարդու տան խուզարկությամբ մարիխուանա և կանեփի 197 բույս է հայտնաբերվել

Համայնքային ոստիկանության Աշտարակի բաժնի ծառայողները օպերատիվ տեղեկություններ էին ստացել, որ Կոշ գյուղի 49-ամյա բնակիչը պահում և օգտագործում է թմրամիջոց։ Նա մայիսի 26-ին հայտնաբերվել, ձերբակալվել և տեղափոխվել է բաժին։

Նախաձեռնվել է քրեական վարույթ, որի շրջանակում կատարված զննությամբ 49-ամյա տղամարդու տանը կից օժանդակ շինությունում և այգում հայտնաբերվել են 34 գրամից ավելի մարիխուանա տեսակի թմրամիջոց և կանեփի 197 բույս:

Տղամարդը տեղափոխվել է ձերբակալվածների պահման վայր։
Նախաքննությամբ հանգամանքները պարզվում են։