Փարիզի Աստվածամոր տաճարում հնագետները գերեզմաններ և կապարե սարկոֆագ են հայտնաբերել

Փարիզի Աստվածամոր տաճարում հնագետները մի քանի դամբարաններ և կապարե սարկոֆագ են հայտնաբերել, որոնք հավանաբար թվագրվում են 14-րդ դարով: Այս մասին ասվում է Phys.org-ի մամուլի հաղորդագրության մեջ:

Լավ պահպանված անհայտ գերեզմանները  հայտնաբերվել են  հրդեհից հետո ավերված գագաթը վերականգնելու համար փայտամած տեղադրելու  ​​աշխատանքների ժամանակ։  Նշվում է, որ կապարե սարկոֆագը մարդու մարմնի տեսք ունի և ամենայն հավանականությամբ պատրաստված է բարձրաստիճան պաշտոնյայի համար։

Հետազոտողները օգտագործել են էնդոսկոպիկ տեսախցիկ՝ սարկոֆագի ներսը նայելու համար և  տեսել են  հագուստի կտորներ, մազեր և բարձի մնացորդներ, որոնք օգտագործվել են կրոնական առաջնորդներին թաղելու համար: Ըստ հնագետների՝ դա խոսում է այն մասին, որ ներսում գտնվող մարմինը շատ լավ վիճակում է։

Դամբարաններից բացի, փորձագետները հատակի տակ հայտնաբերել են ներկված քանդակներ, որոնք ծառայել են որպես 13-րդ դարի միջնորմի տարրեր, որոնք բաժանում էին  սրահները  խորանից: Օրինակ՝ հնագետները հայտնաբերել են մի զույգ փորագրված ձեռքեր, մորուքավոր տղամարդու կիսանդրի և նույնիսկ բանջարեղենից պատրաստված քանդակներ։ Հայտնաբերվել է նաև 19-րդ դարի ստորգետնյա ջեռուցման համակարգ։