Բժիշկը նշել է ուղեղի համար ամենավտանգավոր մթերքները
«Թաքնված աղ և շաքար պարունակող ապրանքները մեծ վտանգ են ներկայացնում: Աղը բարձրացնում է արյան ճնշումը, իսկ շաքարն ու հագեցած ճարպերը նպաստում են քրոնիկական բորբոքումների և արյան անոթների աթերոսկլերոտիկ վնասվածքների զարգացմանը: Հետևաբար, ավելի լավ է սահմանափակել քաղցր գազավորված ըմպելիքների, տորթերի, խմորեղենի, պատրաստի աղանդերի, մայոնեզի, ինչպես նաև դիետիկ աղցանների օգտագործումը զգալիորեն մեծացնում է ինսուլտի ռիսկը»,- պարզաբանել է Պոպովը։
Մասնագետի խոսքով՝ պետք է խուսափել նաև վերամշակված սննդից և արագ սննդից, որոնք պարունակում են մեծ քանակությամբ աղ, շաքար, տրանս ճարպեր, էմուլգատորներ, խտացուցիչներ, արհեստական բուրավետիչներ և այլ հավելումներ։ Սրանք չիպսեր, պատրաստի նախաճաշեր, կարտոֆիլ ֆրի, համբուրգերներ, նագեթներ, սառեցված պիցցա, պահածոներ։
Պոպովը խորհուրդ է տվել հետևել «միջերկրածովյան» սննդակարգին, որը լավագույններից մեկն է սրտանոթային առողջության պահպանման համար։ Այն ներառում է մեծ քանակությամբ բանջարեղեն, մրգեր, ձուկ, ծովամթերք, լոբազգիներ և կաթնամթերք, ինչպես նաև ձիթապտղի յուղ և ընկույզ՝ կարմիր մսի նվազագույն սպառմամբ: Այս դիետան հարուստ է օմեգա-3 ճարպաթթուներով, լուծվող մանրաթելերով, ջրում լուծվող պոլիսաքարիդներով, որոնք օգնում են մարսողությանը, նվազեցնում գլյուկոզայի մակարդակը և նորմալացնում շիճուկում խոլեստերինի մակարդակը: Բացի այդ, այս դիետան մեծացնում է աղիների օգտակար միկրոբիոտայի բազմազանությունն ու ակտիվությունը, որն աջակցում է ստամոքս-աղիքային առողջ աշխատանքին և դրական ազդեցություն ունի ընդհանուր առողջության վրա:
