Թրամփը հայտարարել է նոր մաքսատուրքերի մասին
ԱՄՆ-ն մաքսատուրքեր կսահմանի այն երկրների համար, որոնք չեն կարողանա համաձայնության գալ Վաշինգտոնի հետ։
ԱՄՆ նախագահ Դոնալդ Թրամփը հայտարարել է, որ ԱՄՆ-ն 2-3 շաբաթվա ընթացքում մաքսատուրքեր կսահմանի այն երկրների համար, որոնք Վաշինգտոնի հետ առևտրային համաձայնագրեր չեն կնքի։
Ընդգծելով Սպիտակ տան համար հարյուրավոր երկրների հետ միաժամանակ համաձայնագրեր կնքելու մարտահրավերը՝ Թրամփն ասել է, որ «հնարավոր չէ հանդիպել այն մարդկանց թվին, ովքեր ցանկանում են տեսնել մեզ»։
ԱՄՆ նախագահի՝ Պարսից ծոցի շրջագայության շրջանակներում Արաբական Միացյալ Էմիրություններում գործարար առաջնորդների հետ հանդիպման ժամանակ նա ասել էր. «Միաժամանակ մենք ունենք 150 երկիր, որոնք ցանկանում են գործարք կնքել, բայց դուք չեք կարող հանդիպել այդքան շատ երկրների հետ»։
Նախագահն ասել է, որ իր ֆինանսների նախարար Սքոթ Բեսենթը և առևտրի նախարար Հովարդ Լութնիկը «կուղարկեն նամակներ, որոնք, ըստ էության, կասեն» Վաշինգտոնի որոշ առևտրային գործընկերների, թե ինչ սակագներ կսահմանվեն ԱՄՆ շուկա նրանց ապրանքների արտահանման վրա։
