Թրամփը մտադիր է Հարվարդի համալսարանը զրկել բոլոր դաշնային դրամաշնորհներից

Ամերիկյան վարչակազմը ցանկանում է Հարվարդի համալսարանը զրկել մնացած բոլոր դաշնային դրամաշնորհներից, որոնք կազմում են մոտ 100 միլիոն դոլար, հաղորդել է «The New York Times» (NYT) թերթը՝ հղում անելով դաշնային գործակալություններին ուղարկված նամակին։

Սպիտակ տան հաղորդագրությունը նաև կոչ է անում «գտնել ծառայությունների այլընտրանքային մատակարարներ»։

Այս քայլը փաստացի կդադարեցնի կառավարության երկարատև գործարար հարաբերությունները Հարվարդի համալսարանի հետ, ասել է պաշտոնյաներից մեկը։

Վարչակազմի այս քայլի պատճառն այն է, որ համալսարանը չի ցանկանում փոխել իր քաղաքականությունը։