Լավրովն ու Ռուբիոն հեռախոսազրույց են ունեցել
ՌԴ ԱԳ նախարար Սերգեյ Լավրովը և ԱՄՆ պետքարտուղար Մարկո Ռուբիոն հեռախոսազրույց են ունեցել։
Քննարկել են նախօրեին Ստամբուլում կայացած ռուս-ուկրաինական բանակցությունների արդյունքները, հայտնել է ՌԴ ԱԳՆ-ն։
Ռուբիոն ընդգծել է Վաշինգտոնի պատրաստակամությունը՝ շարունակելու աջակցել ուկրաինական հակամարտության լուծմանը։ Բացի այդ, նա ողջունել է ռազմագերիների փոխանակման և կողմերի կողմից զինադադարի հասնելու համար անհրաժեշտ պայմանների տեսլական պատրաստելու մասին պայմանավորվածությունները։
Լավրովը հաստատել է Ռուսաստանի պատրաստակամությունը՝ շարունակելու աշխատել ԱՄՆ-ի հետ ուկրաինական կարգավորման հարցում։ Զրուցակիցները կարծիքներ են փոխանակել նաև Ռուսաստանի և ԱՄՆ-ի միջև շփումների շարունակման վերաբերյալ։
