Ուկրաինայում հազարավոր զինվորականներ տեղակայելը անիմաստ կլիներ․ Մակրոն
Ուկրաինայում հազարավոր զինվորականներ տեղակայելը անիմաստ կլիներ, TF1-ին տված հարցազրույցում ասել է Ֆրանսիայի նախագահ Էմանուել Մակրոնը։
«Մենք չենք խոսում հազարավոր, տասնյակ հազարավոր կամ ընդհանրապես հարյուր հազարավոր եվրոպացի կամ արևմտյան զինվորների տեղակայման մասին: Դա անիմաստ կլիներ»,- ասել է նա:
Մակրոնի խոսքով՝ Եվրոպան մտադիր է իր համերաշխությունը ցույց տալ ռազմավարական ճանապարհով։ Ֆրանսիայի ղեկավարը չի պարզաբանել, թե կոնկրետ ինչ նկատի ունի։
Ավելի վաղ Մակրոնը հայտարարել էր, որ պատրաստ է օգնել Ռուսաստանի և Ուկրաինայի միջև ուղիղ բանակցություններ սկսել։
